哥哥玩上螺絲的玩具
呢個玩具入面係有好多唔同的模板
由唔同的顏色的螺絲組合而成的圖案
小朋友就要跟住個pattern砌出嚟
妹妹想玩埋一份但又唔識玩
基本上就係攪亂檔啦😓
所以我一定要坐喺隔離睇實佢兩個👀
事關小朋友仲未係好識控制情緒
當大果個專心致志咁砌緊個圖
但細果個走嚟攪呢攪路
大果個一忟起上嚟一定一手推開細果個
等到大果個真係出手果吓
classic的媽媽句就會係：
「你做咩推佢呀？」
「你唔可以咁霸道㗎！」
「好好哋同妹妹一齊玩啦！」
「你讓吓個細嘅得唔得呀？！」
講真佢得果幾歲真係答唔到你點解🤷♀️
點解會忍唔住打妹妹？
難道佢會同你講：
因為心中有一股怒氣驅使佢出呢一拳嗎
霸道？但明明係我玩先的
好好哋玩？但係佢走嚟搗亂的
讓吓個妹？咁邊個讓我啊（CRY）
心中委屈指數 10000000
最後兩個一齊喊
大果個懷恨在心
將來更加抗拒同細果個玩🤦♀️
其實好多時只要玩之前講清楚
等大果個有心理準備
成件事已經可以好和諧
「妹妹唔識玩，要跟你學點玩，你可唔可以教佢呀？」
「佢未識點玩㗎，會做錯，但你可以示範俾佢睇！」
「佢可能會整亂喎，你會唔會唔開心呀？」
當佢預咗有呢個outcome
發脾氣的指數已經直接降低80%
然後到佢真係忍唔住要爆的時候
再提提佢：
「佢仲學緊呀，下次會玩得好啲㗎喇！」
即刻怒氣全消😝
事前約法三章，點都好過打打鬧鬧啊
希望兩兄妹將來諗起一齊玩的時光
唔係爭爭吵吵的畫面
而係窩心又溫暖的💛
Search